Հոկտեմբերի 16-ին ողբերգական դեպք է տեղի ունեցել Սյունիքի մարզում։ Գորիսի բժշկական կենտրոնից ոստիկանություն ահազանգ է ստացվել, որ հիվանդանոց է տեղափոխվել մահացած երեխա։
Ինչպես հայտնում է ֆոտոլրագրող Գագիկ Շամշյանը, ոստիկանները պարզել են, որ մահացածը Գորիս խոշորացված համայնքի բնակավայրերից մեկի 10 ամսական բնակչուհին է։
Երեխայի հայրը հայտնել է, որ առավոտյան՝ ժամը 08։00-ի սահմաններում, մոտեցել է աղջնակի օրորոցին և նկատել, որ նա չի շնչում։ Հայրը զանգահարել է Գորիսի հիվանդանոց, որից հետո ժամանած շտապօգնության բժիշկներն արձանագրել են երեխայի կենսաբանական մահը։
Դեպքի առթիվ Գորիսի քննչական բաժնում նախաձեռնվել է քրեական վարույթ՝ սպանության (հանկարծամահության) հատկանիշներով։
Դատաբժշկի նախնական եզրակացության համաձայն՝ արտաքին զննությամբ երեխայի մարմնի վրա բռնության հետքեր չեն հայտնաբերվել։
