Իտալական Ferrero սննդի ընկերությունը հաստատել է իր գրասենյակներում խուզարկությունների իրականացումը՝ Եվրահանձնաժողովի հաղորդագրությունից հետո, հաղորդում է Bloomberg-ը։
«Ֆերերոն տեղյակ է, որ Եվրոպական հանձնաժողովի ներկայացուցիչները ստուգումներ են անցկացնում ընկերության գրասենյակներում», — նշել են ընկերությունում։
Ֆերերոն նշել է, որ ընկերությունը լիարժեք համագործակցում է կարգավորող մարմնի հետ և տրամադրում է նրան պահանջվող ողջ տեղեկատվությունը։
Այս շաբաթ Եվրոպական հանձնաժողովը հայտարարեց, որ հետաքննություն է սկսել Եվրոպայի առաջատար հրուշակեղենի ընկերության նկատմամբ՝ ԵՄ հակամենաշնորհային օրենքները խախտելու և շուկայում գերիշխող դիրքը չարաշահելու ենթադրյալ մեղադրանքով: Ընկերությունը կասկածվում է տարածքային մատակարարման սահմանափակումների մեջ, որոնք կարգելեն իր արտադրանքի առևտուրը ԵՄ երկրների միջև:
Bloomberg-ի տվյալներով՝ գրասենյակային ստուգումները նախնական քայլ են ընկերությունների հակամրցակցային գործունեության հետաքննության մեջ։ Նման խախտումների համար տուգանքները կարող են հասնել նրանց համաշխարհային եկամտի 10%-ի։
