ՀՀ վարչապետ Նիկոլ Փաշինյանը հայտարարել է, որ Ռուսաստանի նախագահ Վլադիմիր Պուտինի հետ իր վերջին հեռախոսազրույցը դրական է եղել: Այս մասին Նիկոլ Փաշինյանն ասել է ռուսական «Իզվեստիա» լրատվամիջոցի հետ զրույցում:
«Երեկ ես խոսել եմ Ռուսաստանի նախագահի հետ, իհարկե, շնորհակալություն եմ հայտնել նրան զանգի համար։
Նա զանգահարեց, որպեսզի շնորհավորի ինձ ծննդյան օրվա առթիվ: Մենք քննարկել ենք հրատապ հարցեր, և մեր զրույցը դրական է եղել», — ասել է ՀՀ վարչապետ Նիկոլ Փաշինյանը։
Հիշեցնենք՝ երեկ Ռուսաստանի նախագահ Վլադիմիր Պուտինը շնորհավորական ուղերձ էր հղել ՀՀ վարչապետ Նիկոլ Փաշինյանին ծննդյան տարեդարձի առթիվ:
