ՌԴ Անվտանգության խորհրդի փոխնախագահ Դմիտրի Մեդվեդևը խիստ քննադատել է Ուկրաինայի նախկին նախագահներ Լեոնիդ Կուչմայի, Վիկտոր Յուշչենկոյի և Պյոտր Պորոշենկոյի որոշումը՝ հրաժարվել լեհական Սպիտակ արծվի շքանշաններից։
ՏԱՍՍ-ի փոխանցմամբ՝ Մեդվեդևը հայտարարել է, որ նման քայլը հիշեցնում է նացիստների վարքագիծը և վկայում է նրանց դիրքորոշման մասին պատմական հարցերում։
Հիշեցնենք, որ ուկրաինացի նախկին ղեկավարները վերադարձրել են իրենց պարգևները այն բանից հետո, երբ Լեհաստանի նախագահ Կարոլ Նավրոցկին Սպիտակ արծվի շքանշանից զրկել էր Ուկրաինայի նախագահ Վլադիմիր Զելենսկուն։ Լեհական կողմը այդ որոշումը հիմնավորել էր Ուկրաինական ապստամբական բանակի (ՈՒԱԲ) որոշ գործիչների հերոսացման հետ կապված տարաձայնություններով։
Մեդվեդևի խոսքով՝ նախկին նախագահների արձագանքը փաստացի նշանակում է աջակցություն այն անձանց փառաբանմանը, որոնց Վարշավան կապում է լեհ ժողովրդի դեմ կատարված հանցագործությունների հետ։
