Թուրքիայի հատուկ ներկայացուցիչ Սերդար Քըլըչը ժամանակից շուտ շնորհավորել է Ռուբեն Ռուբինյանին Հայաստանի Ազգային ժողովի նախագահի թեկնածու ընտրվելու կապակցությամբ։
«Շնորհավորում եմ Թուրքիայի և Հայաստանի միջև հարաբերությունների կարգավորման գործընթացում իմ գործընկեր Ռուբեն Ռուբինյանին, որն ընտրվել է Հայաստանի խորհրդարանի խոսնակի պաշտոնում, և որի հետ չորս տարվա ընթացքում մենք ձևավորել ենք արդյունավետ աշխատանքի մշակույթ ու անկեղծ ընկերություն։ Մաղթում եմ նրան հետագա հաջողություններ իր նոր դերում»,- X սոցիալական ցանցի իր էջում գրել է Քըլըչը։
