Ընտրություններից երկու օր առաջ իրավապահները մտան ընդդիմադիր «Արմատ մեդիա» լրատվամիջոցի խմբագրություն, խուզարկեցին տարածքը, ապա առգրավեցին աշխատակիցների անձնական հեռախոսներն ու համակարգիչները, վերջում էլ կապարակնքեցին խմբագրության դռներն ու հեռացան:
Երկու օր առաջ «Արմատ մեդիայի» լրագրողներին վերջապես հրավիրել էին Քննչական կոմիտե` հարցաքննության:
MakaryanNews-ը տեղեկացավ, որ լրագրողները, սակայն, որևէ ցուցմունք չեն տվել, որ հետո դա իրենց դեմ չօգտագործվի, այսպես ասած՝ «գողական են գնացել»:
Նշենք, որ իրավապահները «Արմատ մեդիա» խուզարկության էին մտել մեդիայի սեփականատեր, Սամվել Կարապետյանի թիմակից և թիմում առանցքային դերակատարում ունեցող Ալիկ Ալեքսանյանին առնչվող ինչ-որ անհասկանալի քրեական գործի շրջանակներում: Ալեքսանյանը երկու ամիս է` քաղաքական հետապնդման շրջանակներում կալանավորված է, իսկ «Արմատ մեդիայի» աշխատանքն էլ` պարալիզացված:
