Ռոսսելխոզնադզորը խնդրել է կասեցնել հայկական «Մոդուս Գրանում» ընկերության արտադրանքի՝ Ռուսաստան արտահանման անասնաբուժական հավաստագրումը։
MakaryanNews-ի փոխանցմամբ` Ռուսաստանի անասնաբուժական և բուսասանիտարական վերահսկողության դաշնային ծառայությունը՝ Ռոսսելխոզնադզորը, դիմել է Հայաստանի Հանրապետության Սննդամթերքի անվտանգության տեսչական մարմնին՝ խնդրելով 2026 թվականի հոկտեմբերի 15-ից կասեցնել հայկական «Մոդուս Գրանում» ՍՊԸ-ի վերահսկման ենթակա արտադրանքի՝ ռուսաստանյան ստացողներին մատակարարելու համար անասնաբուժական հավաստագրումը։
Ինչպես հայտնում է ՏԱՍՍ-ը՝ հղում անելով գերատեսչության նյութերին, սահմանափակումը կգործի մինչև Ռոսսելխոզնադզորի մասնագետների կողմից ընկերության ստուգման իրականացումը։
«Մոդուս Գրանում» ընկերությունը զբաղվում է հացահատիկի վերամշակմամբ, ալյուրի և համակցված կերերի արտադրությամբ։
Միևնույն ժամանակ, մինչև 2026 թվականի հոկտեմբերի 15-ը Հայաստանից Ռուսաստան ուղարկված՝ տվյալ ընկերության արտադրանքը կդիտարկվի սովորական ընթացակարգով։ Այդ բեռների մուտքի թույլտվության վերաբերյալ որոշումները կկայացվեն սահմանված կարգով։
