Ռուսաստանը մտահոգություն է հայտնում Հայաստանի՝ ՆԱՏՕ-ի և Եվրոպական միության հետ հարաբերությունների խորացման կապակցությամբ։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովա-ն՝ ՏԱՍՍ-ի փոխանցմամբ։
Նրա խոսքով՝ հայկական իշխանությունների եվրատլանտյան ուղղվածությունը չի կարող անտարբեր թողնել Մոսկվային, հատկապես այն պայմաններում, երբ, ըստ Զախարովայի, Եվրոպական միությունը տնտեսական կառույցից աստիճանաբար վերածվում է ռազմական ու ագրեսիվ բլոկի՝ սերտ կապեր ձևավորելով ՆԱՏՕ-ի հետ։
Միաժամանակ նա նշել է, որ Հայաստանի ապագա զարգացման ուղին պետք է որոշի հենց հայ ժողովուրդը։
«Ռուսաստանը շահագրգռված է տեսնել իրականում ինքնիշխան և անկախ Հայաստան, որը մեզ համար մշտապես եղել է հավասար գործընկեր»,- ընդգծել է Զախարովան։
