Բրյուսելը հայտարարել է Իրանի դեմ առաջին նման պատժամիջոցների մասին՝ Հորմուզի նեղուցի շուրջ զարգացումների ֆոնին։ ԵՄ արտաքին քաղաքականության ղեկավար Կայա Կալասի խոսքով՝ սահմանափակումները վերաբերում են այն իրանցի անձանց և կազմակերպություններին, որոնք մասնակցել են նեղուցի փակման գործողություններին։
Կալասը նշել է, որ Եվրամիությունը Հորմուզի նեղուցի փակումը դիտարկում է որպես նավարկության ազատության խախտում և ընդգծել, որ սա առաջին դեպքն է, երբ ԵՄ-ն նման հիմքով պատժամիջոցային մեխանիզմ է կիրառում։
Նա նաև նախազգուշացրել է, որ Իրանի և Իսրայելի միջև շարունակվող ռազմական լարվածությունը կարող է վերածվել լայնամասշտաբ հակամարտության՝ ծանր հետևանքներով ողջ տարածաշրջանի համար։
«Բոլոր կողմերը պետք է վերադառնան բանակցությունների ուղուն», — ընդգծել է ԵՄ դիվանագիտության ղեկավարը։
