Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը հայտնել է, որ հունիսի 21-ից ի վեր Եվրոպայում ծայրահեղ շոգի հետևանքով մահացել է ավելի քան 1300 մարդ։
Նրա խոսքով՝ ջերմային սթրեսը «լուռ մարդասպան» է, իսկ եվրոպական երկրների բնակարանները, աշխատավայրերն ու դպրոցները մեծ մասամբ հարմարեցված չեն նման բարձր ջերմաստիճաններին։
Գեբրեյեսուսը X սոցիալական հարթակում ընդգծել է, որ շոգի ալիքների ազդեցությունը շարունակում է լուրջ վտանգ ներկայացնել բնակչության առողջության համար:
