Լիոնել Մեսսին հրաժեշտ է տվել Արգենտինայի ֆուտբոլի ազգային հավաքականին՝ նշելով, որ արդեն իսկ կարոտում է ազգային թիմի մարզաշապիկը։
«Երեկ իմ վերջին խաղն էր, և արդեն կարոտում եմ երկնագույն-սպիտակ մարզաշապիկը։ Գիտեմ, որ ճիշտ որոշում եմ կայացնում։ Անհավանական ճանապարհ էր՝ լի ուրախություններով, ինչպես նաև որոշ տխուր պահերով, բայց վստահ եմ՝ իմ արած յուրաքանչյուր քայլ արժեր դրան»,- Instagram-ում գրել է Մեսսին։
Ֆուտբոլիստը շնորհակալություն է հայտնել ընտանիքին, ընկերներին, թիմակիցներին, մարզիչներին և իր կարիերայի ընթացքում հանդես եկած ակումբներին՝ ընդգծելով, որ նրանց աջակցությունն առանցքային նշանակություն է ունեցել իր անցած ճանապարհին։
Մեսսին հատուկ անդրադարձել է նաև Դիեգո Մարադոնային՝ նշելով, որ վստահ է՝ նա իրենց աջակցել է ինչպես երկրի ներսում, այնպես էլ «երկնքից»։
Նա շնորհակալություն է հայտնել նաև Աստծուն՝ ընդգծելով, որ առանց նրա առաջնորդության և կամքի իրենք չէին կարողանա երազել ու հասնել այս ճանապարհի ավարտին։
Մեսսիի գրառմանը մեկնաբանությամբ արձագանքել է նաև Կրիշտիանու Ռոնալդուն։
«Լեո, այսքան տարի դու պաշտպանել ես քո երկիրն ու մի պատմություն, որը հավերժ կապրի։ Իմ խորին հարգանքն այն ամենի նկատմամբ, ինչին հասել ես Արգենտինայի հավաքականի կազմում։ Գրկում եմ»,- գրել է Ռոնալդուն։
