Գոռ Հարությունյանը հաղթեց ադրբեջանցի մրցակցին և դարձավ Եվրոպայի չեմպիոն

Հայ սամբիստ Գոռ Հարությունյանը (88 կգ) հռչակվել է սամբոյի 2026 թվականի Եվրոպայի չեմպիոն՝ սպորտային սամբոյի կարգում։ Թբիլիսիում կայացած եզրափակիչ գոտեմարտում նա 5։2 հաշվով առավելության է հասել ադրբեջանցի Ադիլ Ադիլզադեի նկատմամբ։

Նշենք, որ մինչև եզրափակիչ հասնելը Հարությունյանը հաղթել էր նաև Լատվիան, Իսպանիան և Վրաստանը ներկայացնող մարզիկներին։