Եվրահանձնաժողովի նախագահ Ուրսուլա ֆոն դեր Լայենը հուլիսի 1-ին կրկին կժամանի Հայաստան։ Այս մասին հայտնում է Politico-ն։
Հրատարակության տեղեկություններով՝ ֆոն դեր Լայենին կուղեկցի ընդլայնման հարցերով եվրահանձնակատար Մարթա Կոսը։
Սա Եվրահանձնաժողովի ղեկավարի երկրորդ այցն է Երևան վերջին երկու ամիսների ընթացքում։ Ավելի վաղ՝ մայիսի սկզբին, նա Հայաստանում մասնակցել էր Եվրոպական քաղաքական համայնքի գագաթնաժողովի շրջանակում անցկացված միջոցառումներին։
Այցի օրակարգի մանրամասները դեռ չեն հրապարակվել, սակայն այն տեղի է ունենում Հայաստան-Եվրամիություն հարաբերությունների ակտիվացման պայմաններում։
