ՆԳՆ Փրկարար ծառայությունը հրապարակել է տեսանյութ, որում ջրասուզակ Վահե Մելքոնյանը պատմում է փրկարարի աշխատանքի, հոգեբանական ծանր ապրումների և ծառայության ընթացքում հանդիպող դժվարությունների մասին։
«Իմ վրա ցանկացած դեպք իր հետքն է թողնում, հատկապես երբ այն վերաբերում է երեխաներին»,- նշում է նա։
Տեսանյութում Վահե Մելքոնյանն անդրադառնում է նաև Փամբակ գետում խեղդված երկու քույրերի որոնողական աշխատանքներին։ Հիշեցնենք, որ հունիսի 15-ին անհետացած 7 և 13 տարեկան քույրերի որոնումները տևել էին օրեր։ Ավելի ուշ գետում հայտնաբերվել էին նրանց մարմինները։
Ջրասուզակը խոսում է նման դեպքերի ժամանակ փրկարարների առջև ծառացած մարտահրավերների և մարդկային ծանր ապրումների մասին։
