ՌԴ Պետդումայի ԱՊՀ հարցերով հանձնաժողովի նախագահի տեղակալ Կոնստանտին Զատուլինի խոսքով՝ Ռուսաստանի և Հայաստանի առևտրատնտեսական կապերի սահմանափակումների մեղմացում չի լինի, քանի դեռ Նիկոլ Փաշինյանը շարունակում է պաշտոնավարել։
Զատուլինը Հայաստանի իշխանություններին մեղադրել է նախկին դաշնակցային հարաբերություններից հրաժարվելու և Ռուսաստանի հակառակորդների հետ կապերը խորացնելու մեջ։ Նրա խոսքով՝ Մոսկվան չի պատրաստվում ենթարկվել Երևանի «շանտաժին»։
Անդրադառնալով ԵՄ-ին անդամակցության հնարավորության վերաբերյալ հանրաքվեին՝ Զատուլինը հայտարարել է, որ Փաշինյանը դրանից խուսափում է, քանի որ վստահ չէ արդյունքներում։ Նա նաև պնդել է, թե Հայաստանի իշխանությունների եվրոպական ուղղությունը ձախողվում է։
