Պակիստանը ավիահարվածներ է հասցրել Աֆղանստանի արևելյան և հարավային շրջաններին, ինչի հետևանքով զոհվել է 9 մարդ, հայտնում է Աֆղանստանի գերագույն առաջնորդի մամուլի խոսնակ Զաբիհուլլահ Մուջահիդը։
Նրա խոսքով՝ հարվածներ են հասցվել Կունար նահանգի Չուգամ և Հելմանդ նահանգի Սաֆար բնակավայրերի բնակելի շենքերին։
Հարձակման հետևանքով զոհվել է 9 խաղաղ բնակիչ, այդ թվում՝ կանայք և երեխաներ։ Եվս 11 մարդ վիրավորվել է։
Մուջահիդը տեղի ունեցածը որակել է որպես ագրեսիայի ակտ և միջազգային ընդունված սկզբունքների խախտում։
