Պաոլո Բուլգարին՝ հանրահայտ Bulgari ոսկերչական տան հիմնադիր Սոտիրիոս Բուլգարիի թոռը, մահացել է 89 տարեկանում։ Նա երկար տարիներ ղեկավարել է ընկերությունը՝ նպաստելով դրա վերածվելուն համաշխարհային բարձր նորաձևության և շքեղության խորհրդանիշի։
La Repubblica-ի հաղորդմամբ՝ նրա հուղարկավորությունը տեղի կունենա նոյեմբերի 23-ին՝ Հռոմում։
Պաոլո Բուլգարիի ղեկավարության տարիներին, հատկապես 1960–1970-ականներին, ապրանքանիշը մեծ վերելք է ապրել։ Այդ շրջանում Bulgari-ի զարդերը դարձել են կինոաստղերի և հայտնի մարդկանց նախընտրելի ընտրություններից մեկը՝ ամրապնդելով ընկերության դիրքերը շքեղության աշխարհում։
Նա այնքան կապված էր իր ստեղծած որոշ զարդերի հետ, որ դրանց վաճառքը երբեմն համեմատում էր ընտանիքի անդամից բաժանվելու հետ։