Աշխարհի խոշորագույն ավիաընկերությունները չեղարկել են Մերձավոր Արևելքի վրայով թռիչքները

Աշխարհի խոշորագույն ավիաընկերությունները չեղարկել են Մերձավոր Արևելքի վրայով չվերթները առաջիկա մի քանի օրերի համար՝ Իրանի դեմ ԱՄՆ-ի և Իսրայելի ռազմական գործողությունից հետո: Գերմանական Lufthansa ավիաընկերությունը հայտարարել է Գերմանիայի քաղաքներից դեպի Թել Ավիվ (Իսրայել), Բեյրութ (Լիբանան), Ամման (Հորդանան), Էրբիլ (Իրաք), Թեհրան (Իրան) և Մերձավոր Արևելքի այլ քաղաքներ չվերթների չեղարկման մասին մինչև մարտի 7-ը՝ «Մերձավոր Արևելքում ստեղծված իրավիճակի» պատճառով: Խումբը ներառում է SWISS-ը, Austrian Airlines-ը, Brussels Airlines-ը և Eurowings-ը:

Air France-ը չեղարկել է Փարիզից դեպի Թել Ավիվ և Բեյրութ չվերթները, իսկ KLM-ը՝ Ամստերդամից դեպի Թել Ավիվ չվերթները: British Airways-ը չեղարկել է դեպի Թել Ավիվ և Բահրեյն չվերթները մինչև մարտի 3-ը: Japan Airlines-ը չեղարկել է Տոկիոյից դեպի Դոհա շաբաթօրյա չվերթը: Norwegian Air Shuttle-ը դադարեցրել է դեպի Դուբայ չվերթները մինչև մարտի 4-ը:

Եվրոպական, ասիական և աֆրիկյան այլ ավիափոխադրողներ նույնպես չեղարկել են իրենց չվերթները դեպի Մերձավոր Արևելք։