ԱՄՆ նախագահ Դոնալդ Թրամփը և Իսրայելի վարչապետ Բենիամին Նեթանյահուն հեռախոսազրույց են ունեցել։ Այս մասին հայտնել է իսրայելական Channel 12-ը։
Զրույցի բովանդակության մասին որևէ տեղեկություն չի տրամադրվում։
Նշենք, որ փետրվարի 28-ի առավոտյան Իսրայելը, Միացյալ Նահանգների հետ համատեղ, հարվածներ հասցրեց Իրանում գտնվող թիրախներին։ Ի պատասխան՝ Իրանը հրթիռներ արձակեց Իսրայելի ուղղությամբ։ Ավելին, իրանական ուժերը հարձակվեցին Պարսից ծոցում գտնվող ամերիկյան չորս ռազմաբազաների վրա։ Մերձավոր Արևելքում ստեղծված իրավիճակի պատճառով տարածաշրջանի մի շարք երկրներ ժամանակավորապես փակեցին իրենց օդային տարածքը։
