Իրանի նախագահ Մասուդ Փեզեշքիանը, ըստ տարածված տեղեկությունների, հայտնվել է զայրացած ամբոխի թիրախում երկրի գերագույն առաջնորդ այաթոլլա Ալի Խամենեիի հուղարկավորության արարողության ժամանակ։
Նրա գրասենյակի հրապարակած տեսանյութում երևում է, թե ինչպես են թիկնապահները նախագահին հեռացնում ամբոխից՝ անվտանգության նկատառումներով։
Հաղորդվում է նաև, որ Իրանի արտաքին գործերի նախարար Աբբաս Արաղչին նույնպես բախվել է ագրեսիվ գործողությունների։ Սոցիալական ցանցերում տարածված կադրերում երևում է, թե ինչպես են նրա ուղղությամբ քարեր նետում, իսկ անվտանգության աշխատակիցները նրան արագ տեղափոխում են ծառայողական մեքենա։
Նախագահի և արտգործնախարարի կողմնակիցները պահանջում են հայտնաբերել և պատասխանատվության ենթարկել միջադեպի մասնակիցներին։
