The New York Times-ը հրապարակում է արբանյակային լուսանկարներ, որոնք ցույց են տալիս Իրանի գերագույն առաջնորդ այաթոլլա Ալի Խամենեիի պահպանվող նստավայրի վրա հասցված հարվածների հետևանքները։ Պարբերականը նշում է, որ կադրերում երևում են համալիրի տարածքում գտնվող մի շարք շենքերի լուրջ ավերածությունները։ Այս մասին հաղորդում է ՌԻԱ Նովոստի-ին։
Ըստ հրապարակման՝ համալիրն օգտագործվում էր ինչպես Իրանի առաջնորդի պաշտոնական նստավայր, այնպես էլ բարձրաստիճան պաշտոնյաների ընդունելությունների համար։ Լուսանկարները, ինչպես նշվում է, վկայում են տարածքում տեղի ունեցած հզոր հարվածների մասին։
Ավելի վաղ Reuters գործակալությունը, հղում անելով իսրայելական աղբյուրի, հաղորդել էր, որ ԱՄՆ-ի և Իսրայելի համատեղ հարվածների գլխավոր թիրախը եղել է Իրանի նախագահ Մասուդ Փեզեշքիանը։
