Լիբանանում ԱՄՆ դեսպանատունը կրկին իր քաղաքացիներին կոչ է արել անհապաղ լքել երկիրը Մերձավոր Արևելքում աճող ռազմական հակամարտության ֆոնին։
«Մենք համառորեն կոչ ենք անում ԱՄՆ քաղաքացիներին չմեկնել Լիբանան։ Եթե դուք արդեն երկրում եք, խնդրում ենք անմիջապես լքել Լիբանանը»,- երկուշաբթի հայտարարել է դեսպանատունը, երբ Իսրայելը հարվածել է Բեյրութի հարավային արվարձաններին և տասնյակ գյուղերին, հիմնականում՝ հարավային Լիբանանում։
«ԱՄՆ դեսպանատունը խստորեն խորհուրդ է տալիս Լիբանանի հարավում, Սիրիայի սահմանի մոտ, փախստականների ճամբարներում և Բեյրութի Դահիա թաղամասում գտնվող ԱՄՆ քաղաքացիներին անհապաղ լքել այդ տարածքները»,- հավելել է դեսպանատունը։
