Հնդկաստանի վարչապետ Նարենդրա Մոդին և ԱՄՆ նախագահ Դոնալդ Թրամփը քննարկել են Մերձավոր Արևելքում սրվող իրավիճակը, այդ թվում՝ Հորմուզի նեղուցի վերաբերյալ մտահոգությունները։
X հարթակում կատարած առանձին գրառումներում Մոդին և ԱՄՆ-ի ներկայացուցիչ Սերխիո Գորը նշել են, որ երկու առաջնորդները երեքշաբթի հեռախոսազրույց են ունեցել՝ սա առաջին հայտնի զրույցն է ԱՄՆ-ի և Իսրայելի կողմից Իրանի դեմ փետրվարի 28-ին սկսված համատեղ հարձակումներից հետո։
Մոդին ընդգծել է, որ «Հնդկաստանը աջակցում է լարվածության թուլացմանը և հնարավորինս շուտ խաղաղության վերականգնմանը»՝ հավելելով, որ Հորմուզի նեղուցի «բաց, անվտանգ և հասանելի պահելը կենսական նշանակություն ունի ողջ աշխարհի համար»։
