Իրանը թույլ չի տա ԱՄՆ նախագահ Դոնալդ Թրամփին դուրս գալ այն թակարդից, որի մեջ Միացյալ Նահանգները հայտնվել է Մերձավոր Արևելքում, և կշարունակի ճնշում գործադրել նրա վրա։ Այս կարծիքը «Սպուտնիկ Ղրիմում» ռադիոկայանի եթերում հայտնել է Լոմոնոսովի անվան Մոսկվայի պետական համալսարանի քաղաքագիտության ամբիոնի պրոֆեսոր, Ալտեր քաղաքագիտության ակադեմիայի տեղեկատվության և հիբրիդային պատերազմի ամբիոնի վարիչ, քաղաքագիտության դոկտոր Անդրեյ Մանոյլոն։
«Ակնհայտ է, որ Իրանը երկար ժամկետում հաղթում է։ Թրամփը թակարդում է հայտնվել, գնալու տեղ չունի։ Նրա վերջնագրերը, մի կողմից, խուճապի և հիստերիայի դրսևորում են, որոնց նա արդեն հասել է իսկ մյուս կողմից՝ դրանք նրա վերջին հնարավորությունն են և փախուստի վերջին փորձը։ Իրանցիները լավ գիտակցում են, թե որտեղ է Թրամփը հայտնվել, և նրանք թույլ չեն տա, որ նա դուրս գա այդ թակարդից», — ասել է քաղաքագետը։
Նրա խոսքով՝ Թեհրանի ներկայացուցիչների կողմից պարբերաբար արվող հայտարարությունները, թե բանակցություններ չեն լինի, քանի դեռ Իրանը չի հասնի լիակատար հաղթանակի, համապատասխանում են այն գծին, որը Իսլամական Հանրապետության իշխանությունները կհետևեն ապագայում։
