Իրանի պատվիրակությունը, որի կազմում էին գլխավոր բանակցող Մոհամմադ Բաղեր Ղալիբաֆը և արտգործնախարար Աբբաս Արաղչին, ժամանել է Դոհա՝ Կատարի վարչապետ և արտգործնախարար շեյխ Մոհամմադ բին Աբդուլռահման ալ Թանիի հետ խորհրդակցություններ անցկացնելու Միացյալ Նահանգների հետ հնարավոր համաձայնագրի շուրջ։
Ռոյթերսը, հղում անելով աղբյուրին, հաղորդել է, որ այցի նպատակը հակամարտության դադարեցման ուղիների քննարկումն է: Աղբյուրի խոսքով՝ խորհրդակցությունները կկենտրոնանան Հորմուզի նեղուցի շուրջ ստեղծված իրավիճակի և Իրանի բարձր հարստացված ուրանի պաշարների վրա։
