Իրանի քաղաքացիական ավիացիայի կազմակերպությունը հայտարարել է երկրի ողջ տարածքում օդային երթևեկության լիարժեք վերականգնման մասին։
Պաշտոնական հաղորդագրության համաձայն՝ օդային տարածքն արդեն բաց է, և քաղաքացիական ավիացիան վերադառնում է բնականոն աշխատանքի։
Հիշեցնենք, որ Իրանի օդային տարածքը փակվել էր ռազմական լարվածության և անվտանգության սպառնալիքների պատճառով։ Այդ ընթացքում այն պարբերաբար բացվում և կրկին փակվում էր՝ կախված իրավիճակի զարգացումներից։
Վերջին որոշմամբ, սակայն, սահմանափակումները հանվել են, և թռիչքները կարող են իրականացվել երկրի ամբողջ տարածքում։
