Այսօր՝ օգոստոսի 29-ին, արտակարգ դեպք է տեղի ունեցել Լոռու մարզում։ Ժամը 11։00-ի սահմաններում «Վանաձոր» բժշկական կենտրոն է տեղափոխվել 2-ամյա երեխա՝ ծայրահեղ ծանր վիճակում. հայտնում է SHAMSHYAN.com-ը։
Ըստ նախնական տեղեկությունների՝ երեխան անզգուշաբար երրորդ հարկի պատուհանից վայր է ընկել։ Բժիշկները նրան անհրաժեշտ բուժօգնություն են ցուցաբերել, որից հետո Երևանի մասնագիտացված հիվանդանոց տեղափոխելու նպատակով սանավիացիա է կանչվել։ Այս պահին բուժաշխատողները սպասում են սանավիացիայի ժամանմանը։ Դեպքի մասին տեղեկացվել է ոստիկանությունը։ Հիվանդանոց է ժամանել հերթապահ խումբ։ Դեպքի փաստով կազմված փաստաթղթերը փոխանցվել են ՀՀ քննչական կոմիտեի Լոռու մարզային քննչական վարչություն։
