ՄԱԿ-ի Անվտանգության խորհուրդը նիստ է նշանակել Ուկրաինայի հարցով

ՄԱԿ-ի Անվտանգության խորհուրդը Կիևի խնդրանքով Ուկրաինայի հարցով նիստ է նշանակել երկուշաբթի՝ մարտի 23-ին։ Այս մասին հաղորդում է TASS-ը՝ հղում անելով ՄԱԿ-ի գլխավոր քարտուղարի գրասենյակի հայտարարությանը։

Հանդիպման ընթացքում կքննարկվի «Ուկրաինայում խաղաղության և անվտանգության պահպանումը»։

Հանդիպումը նախատեսված է տեղական ժամանակով՝ ժամը 15:00-ին (Երևանի ժամանակով՝ ժամը 23:00-ին)։

Նախկինում ՄԱԿ-ում Ռուսաստանի մշտական ներկայացուցիչ Վասիլի Նեբենզյան հայտարարել էր, որ ՄԱԿ-ը չի մասնակցում Ուկրաինայում ընթացող խաղաղության բանակցություններին՝ իր կողմնակալության պատճառով։