Այս պահին Արթիկում տեղի է ունենում Արթիկի գործող համայնքապետ, գեներալ Մանվել Գրիգորյանի սանիկ, ՔՊ-ի թեկնածու Անանիկ Ոսկանյանի քարոզարշավը:
MakaryanNews-ի տեղեկություններով` քարոզարշավին մասնակցում է նաև Շիրակի մարզպետ Դավիթ Առուշանյանը, բայց նա կամավոր հիմունքներով է մասնակցում: Իսկ, ահա, ուսուցիչներին պարտադրել են, որ մասնակցեն Անանիկ Ոսկանյանի «միջոցառմանը»:
Մեզ ասացին` երեկ ժողով են արել դպրոցներում, որի ժամանակ տնօրենները ուսուցիչներին ասել են, որ բոլորը պետք է մասնակցեն ՔՊ-ի այսօրվա քարոզարշավին, որը ներկայացրել են որպես միջոցառում:
«Բոլորի ներկայությունը ցանկալի է, պարտադիր»,-ուսուցիչներին «գրագետ հայերենով» հորդորել է դպրոցի տնօրեններից մեկը` քարոզարշավին մասնակցությունը ներկայացնելով նախկիններին հատուկ «պարտադիր կամավոր» սկզբունքով:
Վահե ՄԱԿԱՐՅԱՆ
