Հայաստանը վերջին երկու տարիների ընթացքում չի փոխանցել Հավաքական անվտանգության պայմանագրի կազմակերպության (ՀԱՊԿ) բյուջեում իր բաժնեմասը։ Այս մասին հայտարարել է կազմակերպությունում Ռուսաստանի մշտական ներկայացուցիչ Վիկտոր Վասիլևը։
Նրա խոսքով՝ Հայաստանի մասնաբաժինը կազմում է կազմակերպության ընդհանուր բյուջեի 10 տոկոսը, սակայն այդ գումարը երկու տարի շարունակ չի վճարվել։
Վասիլևը նաև նշել է, որ ՀԱՊԿ բյուջեի շուրջ կեսը ձևավորվում է Ռուսաստանի ֆինանսական ներդրումներից, իսկ մյուս անդամ պետություններից յուրաքանչյուրի մասնաբաժինը կազմում է 10 տոկոս։
